ᑲᔪᓯᑦᓯᐊᖏᓐᓇᕈᓐᓇᕐᓂᖅ

ᐊᑲᐅᓯᑎᑦᓯᒋᐊᖏᓐᓇᕐᓂᒃᑯᑦ ᐃᖃᓗᓕᕆᓂᕐᒧᑦ ᐱᓕᕆᔾᔪᓯᑦᑎᓐᓂᒃ

ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᐃᑲᔪᕐᓯᕗᑦ ᓄᑖᓂᒃ ᖃᕆᑕᐅᔭᓕᕆᓂᕐᒥᒃ ᐊᒻᒪ ᖃᐅᔨᓴᕐᓂᕐᒥᒃ ᐃᑲᔪᕈᑕᐅᓂᐊᕐᑎᓪᓗᒋᑦ ᖃᓄᑐᐃᓐᓇᖅ ᐊᕙᑎᒥᒃ ᐃᖃᓗᓐᓂᓪᓗ ᐊᑦᑐᐃᓂᕐᓗᑦᑕᐃᓕᓂᕐᒧᑦ. ᕿᒥᕐᕈᖃᑎᖃᑦᓯᐊᕐᐸᑦᑐᒍᑦ ᐱᓕᕆᖃᑎᒋᔭᑦᑎᓐᓂᒃ ᐊᒻᒪ ᐊᑐᐊᒐᓕᐅᕐᑎᓂᒃ ᐋᖅᑭᒃᓱᐃᓂᒃᑯᑦ ᒥᐊᓂᕐᓯᒍᑎᒃᓴᓂᒃ ᐊᒻᒪ ᐋᖅᑭᐅᒪᑎᑦᓯᓯᐊᕐᓂᕐᒧᑦ ᐱᓕᕆᔾᔪᓯᒃᓴᓂᒃ, ᐊᒻᒪ ᐃᒃᐱᒍᓱᓐᓂᖃᑦᓯᐊᕐᓱᑕ ᐃᓄᐃᑦ ᐊᖑᓇᓱᒍᓐᓇᕐᓂᕐᒧᑦ ᐱᔪᓐᓇᐅᑎᖏᓐᓂᒃ ᐊᒻᒪ ᓯᕗᓪᓕᐅᔾᔭᐅᖁᔭᐅᔪᓂᒃ. ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᑐᕌᒐᖃᕐᐳᑦ ᑲᔪᓯᑎᑦᓯᓯᐊᕐᓂᕐᒥᒃ ᐃᖃᓗᓕᕆᓂᒃᑯᑦ ᐃᑲᔪᕈᑕᐅᓂᐊᕐᑎᓪᓗᒋᑦ ᓄᓇᕗᒻᒥᐅᓄᑦ ᓯᕗᓂᖓᓄᓪᓗ.

ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᐱᓕᕆᓯᒪᓕᕐᒥᔪᑦ ᐋᖅᑭᒃᓱᐃᒋᐊᓪᓚᒍᑕᐅᖏᓐᓇᕐᓂᐊᕐᑐᓂᒃ ᐃᖃᓗᓕᕆᓂᒃᑯᑦ. ᐊᕐᕌᒎᑉ ᐃᓗᐊᓂ ᐃᖃᓪᓕᐊᕐᓂᐊᕐᓂᕐᒧᑦ ᐸᕐᓇᐃᕙᑦᑐᑦ ᐊᑦᑕᓇᕐᓂᖏᓐᓂ ᐃᒃᐱᒋᓪᓗᒋᑦ ᐊᒻᒪ ᐊᑐᕐᓱᑎᒃ ᐅᓂᐊᕈᑎᓂᒃ ᐅᒥᐊᕐᓂᒃ ᕿᒥᕐᕈᓂᕐᑯᑦ ᖃᕆᑕᐅᔭᑎᒍᑦ ᐊᑐᕐᓂᐊᕐᑎᓪᓗᒋᑦ ᑲᒪᑦᓯᐊᕆᐊᓪᓚᓐᓂᕐᒧᑦ ᐊᑲᐅᖏᓈᕐᑐᒃᑯᑦ ᐊᕙᑎ ᐊᑦᑐᕐᑕᐅᖁᓇᒍ. ᐃᑲᔪᕐᓯᔪᒻᒪᕆᐅᔪᒍᑦ ᓇᓗᓇᐃᒃᑯᑕᖃᕐᓂᒃᑯᑦ ᑭᖑᑦᑕᕐᓂᕐᒥᒃ ᐊᒻᒪ ᖃᓕᕋᓕᑦᑕᕐᓂᕐᒥᒃ ᐱᓕᕆᖃᑎᒌᑦᓯᐊᕐᓂᒃᑯᑦ ᐃᒪᕐᒥᐅᑕᓕᕆᓂᕐᒥᒃ ᑲᑎᒪᔨᑎᒍᑦ, (MSC).

ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᐃᑲᔪᕐᓯᕗᑦ ᓄᓇᕗᒻᒥ ᐆᒪᔪᓕᕆᓂᕐᒧᑦ ᑲᑎᒪᔨᖏᓐᓂᒃ ᐱᓕᕆᖃᑎᖃᑦᓯᐊᕐᓂᕐᒧᑦ ᐸᕐᓇᐃᓂᒃᑯᑦ ᐅᑯᐊ ᐱᔾᔪᑎᒋᓪᓗᒋᑦ:

ᐋᖅᑭᒋᐊᕐᓂᖅ ᖃᐅᔨᒪᔭᖏᓐᓂᒃ ᐊᑯᑭᑦᑐᒥ ᖃᓕᕋᓕᑦ ᐊᒻᒪ ᑭᖑᐃᑦ ᒥᒃᓵᓄᑦ. ᐅᓄᕈᓐᓇᐃᓗᐊᖁᓇᒋᑦ ᖃᓕᕋᓖᑦ ᐊᒻᒪ ᑭᖑᐃᑦ ᐊᑐᕐᓂᒃᑯᑦ ᖃᐃᔨᓴᕐᓂᕐᒥᒃ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐃᒃᐱᒍᓱᑦᓯᐊᕐᓂᒃᑯᓪᓗ ᐱᓕᕆᒍᓯᖃᓂᒃᑯᑦ, ᐊᒻᒪ ᐅᖃᐅᓯᖃᓂᒃᑯᑦ ᐊᓯᖏᓐᓂᒃ ᐃᒪᕐᒥᐅᑕᓂᒃ ᐊᑐᕐᐸᑦᑐᓄᑦ.

ᐅᓄᓗᐊᕐᑎᑦᓯᖏᓐᓂᒃᑯᑦ ᐃᖃᓪᓕᐊᕈᓐᓇᕐᓂᕐᒧᑦ ᒥᑭᓂᕐᓴᓂᒃ ᐃᖃᓗᓐᓂᒃ.

ᐱᓕᕆᖏᓐᓇᕐᐸᓪᓗᑎᒃ ᒪᓕᓪᓗᑎᒃ ᐊᑦᑕᓇᕐᓂᐅᔭᕐᓂᕋᕐᑕᐅᔪᓕᕆᓂᕐᒧᑦ ᐆᒪᔪᓂᒃ ᒪᓕᒐᕐᓂᒃ. ᓴᐳᒻᒥᓂᒃᑯᑦ ᓇᔪᒐᖏᓐᓂᒃ ᐆᒪᔪᑦ, ᓄᓇᒥᒃ ᐊᒻᒪ ᐊᓯᖏᓐᓂᒃ ᐆᒪᔪᓂᒃ.

ᑲᑎᕐᓱᐃᓗᑎᒃ ᐊᒻᒪ ᑎᑎᕋᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑯᑭᑦᑐᕐᓂ ᖃᓕᕋᓕᕆᓂᐅᑉ ᒥᒃᓵᓄᑦ. ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᐃᑲᔪᕐᓯᔪᒻᒪᕆᐅᔪᑦ ᓄᓇᕗᒻᒥ ᐆᒪᔪᓕᕆᓂᕐᒧᑦ ᑲᑎᒪᔨᖏᑕ ᐱᓕᕆᖃᑎᒌᓐᓂᕐᒧᑦ ᒪᓕᒋᐊᓕᖏᓐᓂᒃ. ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᒪᓕᑦᓯᐊᕐᑐᑦ ᒐᕙᒪᑐᖃᒃᑯᑦ ᐃᒪᕐᒥᐅᑕᓕᕆᓂᕐᒧᑦ ᒪᓕᒐᖓᓂᒃ. ᒪᓕᑦᓱᑎᓪᓗ ᑕᒪᐃᓐᓂᒃ ᒪᓕᒐᕐᓂᒃ ᐊᒻᒪ ᐊᑐᐊᒐᕐᓂᒃ ᐊᑐᕐᑕᐅᖁᔭᐅᓯᒪᔪᓂᒃ ᑲᓇᑕᒥ ᐃᒪᕐᒥᐅᑕᓕᕆᔨᒃᑯᓐᓄᑦ, ᐱᖃᓯᐅᑎᓪᓗᒋᓪᓗ ᓚᐃᓴᓐᓯᓕᕆᓂᖅ, ᒪᓕᒐᓕᕆᓂᖅ, ᒥᐊᓂᕐᓯᓂᕐᒧᓪᓗ ᐸᕐᓇᐃᓂᒃᑯᑦ, ᒥᐊᓂᕐᓯᓂᕐᒧᓪᓗ ᐆᒪᔪᕐᓯᐅᕐᓇᕐᑎᓪᓗᒍ ᐸᕐᓇᓐᓂᒃᑯᑦ ᐊᒻᒪ ᐊᑲᐅᖏᓈᕐᑐᓂᒃ ᐊᑐᑐᐃᓐᓇᕆᐊᖃᓂᕐᒧᑦ ᑐᕌᖓᔪᓂᒃ:

ᑲᓇᑕᒥ ᐃᒪᕐᒥᐅᑕᓕᕆᔨᒃᑯᑦ ᒪᓕᒐᖓ/ᐊᑐᐊᒐᖓᓗ/ᒪᓕᒐᖅ: ᑲᑎᓐᖓᐅᕐᑐᑦ ᐊᑯᕐᑐᑦ ᐊᑯᐊᒐᐃᑦ ᐊᒻᒪ ᒪᓕᒐᖅ ᐊᑐᕐᑕᐅᖁᔭᖏᑦ ᑲᓇᑕᒥ ᐃᒪᕐᒥᐅᑕᓕᕆᔨᖏᑕ, ᐱᖃᓯᐅᑎᓪᓗᒋᑦ ᓚᐃᓴᓐᓰᑦ ᖃᓄᐃᑦᑑᓂᖏᑦ, ᐊᑐᐊᒐᐃᑦ, ᒥᐊᓂᕐᓯᓂᒃᑯᑦ ᐸᕐᓇᐃᓂᖅ, ᐊᒻᒪ ᒪᓕᒋᐊᖃᕐᑐᑦ ᐊᑐᕆᐊᖃᓂᕐᒧᑦ ᓂᕆᐅᓐᓇᖏᑦᑐᓂᒃ.

ᑲᓇᑕᒥ ᐃᖏᕐᕋᐅᑎᓕᕆᔨᒃᑯᑦ ᐊᑐᐊᒐᖓ/ᒪᓕᒐᖓ: ᑲᑎᓐᖓᐅᕐᑐᑦ ᐃᖏᕐᕋᐅᑎᓕᕆᔨᒃᑯᑦ ᑲᓇᑕᒥ ᐊᑐᕆᐊᓕᖏᑦ ᐊᕙᑎᒧᑦ ᐱᓕᕆᖃᑎᒌᑦᓯᐊᕆᐊᖃᓂᖅ ᐊᑐᕐᓗᑎᒃ ᐅᒥᐊᕐᔪᐊᓂᒃ.

ᓄᖑᓐᓂᐅᔭᕐᑐᓕᕆᓂᕐᒧᑦ  ᐅᒪᔪᓂᒃ ᐱᖁᔭᖅ (SARA):

ᑲᑎᓐᖓᐅᕐᑐᑦ ᐱᖁᔭᕐᓂ ᐊᑐᕆᐊᓕᓐᓄᑦ ᐃᒪᕐᒥᐅᑕᓕᕆᓂᕐᒧᑦ ᓄᖑᓐᓂᐅᔭᕐᑐᒋᔭᐅᔪᓂᒃ.