ᕿᑭᕐᑖᓗᒻᒥ ᐃᖃᓗᓕᕆᔨᑯᑦ ᑐᓴᕐᑎᑦᓯᓂᖓ ᐃᒃᓯᕙᐅᑕᑖᕋᑖᕐᓂᒥᑕ ᓄᑖᒥᒃ ᒥᒃᓵᓄᑦ, ᓄᑖᓂᓪᓗ ᐊᖓᔪᖅᑲᓂᒃ ᑲᑎᒪᔨᑖᓵᑦ ᒥᒃᓵᓄᑦ
ᐃᖃᓗᐃᑦ, ᓯᑕᕐᒥᕐᒥ ᔪᓂ 23; ᕿᑭᕐCᓗᒻᒥ ᐃᖃᓗᓕᕆᔨᒃᑯᑦ ᖁᔭᓕᕗᑦ ᑐᓴᕐᑎᑦᓯᒋᐊᖅ ᑭᒃᑯᑦ ᓂᕈᐊᕐᑕᐅᕋᑖᕐᓂᖏᓐᓂᒃ, ᐃᒃᓯᕙᐅᑕᕐᑖᓴᕐᓂᕐᒥᒃ ᐊᒻᒪ ᓄᑖᓂᒃ ᑲᑎᒪᔨᑖᕐᓂᖏᓐᓄᑦ, ᐊᑐᓕᑦᓴᐅᑎᒋᓪᓗᑎᓪᓗ. ᓵᓐᑎ ᑲᐅᑕᖅ, ᑲᖏᕐᑐᒑᐱᒻᒥᐅᖅ, ᓂᕈᐊᕐᑕᐅᓚᐅᕐᑐᖅ ᐃᒃᓯᕙᐅᑕᐅᓂᐊᓕᕐᑎᓪᓗᒍ ᑲᑎᒪᑎᓪᓗᒋᑦ ᐃᖃᓗᓐᓂ ᔫᓂ 21,ᒥ. ᕉᔅᒥᐊᓕ ᒧᓯᓯ ᐸᓐᓂᕐᑐᕐᒥᐅᑕᖅ ᓂᕈᐊᕐᑕᐅᓪᓗᓂ ᑐᓪᓕᐅᓂᕐᒧᑦ ᐃᒃᓯᕙᐅᑕᒧᑦ, ᐊᒻᒪ ᑕᐃᕙᑦ ᖃᒪᓂᖅ ᒥᑦᑎᒪᑕᓕᒻᒥᐅᓂᕐᒧᑦ ᑮᓇᐅᔭᓕᕆᔨᐅᓂᕐᒧᑦ. ᕋᔾᔭ ᐃᑦᑐᐊᓐᖓᑦ ᓂᕈᐊᕐᑕᐅᓪᓗᓂ ᑮᓇᐅᔭᓕᕆᔨᑦ ᑲᑎᒪᔨᖏᓐᓄᑦ ᐃᒃᓯᕙᐅᑕᐅᓂᕐᒧᑦ. ᔨᒥ ᐋᑲᕚᒃ, ᑭᒡᒐᕐᑐᕐᑎᕈᓱᓂ ᐊᒪᕈᒃᑯᑦ ᐊᖑᓇᓱᓐᓂᕐᒧᑦ ᒥᑭᒋᐊᕐᓂᐊᕐᓂᕐᒧᓪᓗ ᑲᑐᔾᔨᖃᑎᒌᓄᑦ, ᐊᑎᓕᐅᕐᑎᑕᐅᓪᓗᓂ ᐊᖏᕐᑎᑕᐅᓂᒃᑯᑦ ᑲᑎᔨᕈᓂᕐᒧᑦ.
“ᖁᔭᓕᕙᒃᑲ ᑲᑎᒪᔨᐅᖃᑎᒃᑲ ᐃᑲᔪᕐᓯᓚᐅᕐᒪᑕ ᐊᒻᒪᓗ ᐅᑉᐱᕆᔭᖃᓚᐅᕐᒪᑕ, ᐊᒻᒪ ᓂᕆᐅᓐᓂᖃᐳᖓ ᑲᔪᓯᑎᑦᓯᒐᓱᐊᕐᓂᕐᒥᒃ ᐊᑲᐅᓂᕐᓴᓂᓄᑦ ᐃᑲᔪᕐᓯᐅᑎᒃᓴᓂᒃ ᐃᓄᓐᓄᑦ ᐃᓚᐅᖃᑕᐅᒍᑎᓕᓐᓄᑦ,” ᐅᖃᓚᐅᕐᑐᖅ ᓵᓐᑎ. “ᐊᒻᒪ ᑐᓐᖓᓱᒃᑎᒃᐸᒃᑲ ᐊᖓᔪᖅᑳᑦ ᑲᑎᒪᔨᕈᓯᖏᑦ, ᕉᔅᒥᐊᓕ ᐊᒻᒪ ᑕᐃᕙᑦ, ᐊᒻᒪ ᐅᐱᒋᕙᒃᑲ ᓯᕗᓪᓕᕐᐸᐅᓪᓗᖓ ᐊᕐᓇᐅᓪᓗᖓ ᑲᑎᒪᔨᐅᖃᑕᐅᓕᕆᐊᖅ.”
ᕿᑭᕐᑑᓗᒻᒥ ᐃᖃᓗᓕᕆᔨᒃᑯᑦ ᖁᔭᓕᕗᑦ ᑲᑎᒪᑎᑦᓯᔨᐅᓚᐅᕐᑐᒥᒃ ᑕᐃᕕᑦ ᐊᓕᒃᓵᓐᑐᕐᒥᒃ ᐊᕐᕋᒍᓂ ᐊᒥᓱᓂ ᐃᑲᔪᕐᓯᓯᒪᒻᒪᑦ ᑲᑎᒪᔨᐅᔪᓂᒃ. ᑕᐃᕙᑦ ᐃᑲᔪᕐᑐᒻᒪᕆᐅᓚᐅᕐᑐᖅ ᐅᓄᕐᓯᑎᑦᓯᒋᐊᕐᓂᒃᑯᑦ ᐅᖁᒪᐃᓐᓂᖏᑎᒍᑦ ᑭᖑᓐᓂᐊᕐᓂᒃᑯᑦ, ᖃᓕᕋᓕᕋᓕᑦᑕᕐᓂᕐᒥᒃ, ᐊᒻᒪ ᐊᓯᖏᓐᓂᒃ ᓂᕿᓂᒃ ᓄᓇᓕᓄᑦ ᓄᓇᕗᓕᒫᒥ, ᐊᒻᒪ ᐃᓄᑐᖃᕐᓄᑦ ᐊᒻᒪ ᑭᓐᖑᒪᑦᓯᔪᓄᑦ ᓂᕿᑐᐃᓐᓇᕐᒥᒃ ᐃᖃᓗᓐᓂ ᐊᑐᕐᑕᐅᓪᓗᓂ.
ᑭᖑᓂᐊᓂ 2021-2022 ᓴᓂᐊᓂ ᐆᒪᔪᓕᕆᓕᕐᒧᑦ ᒥᑭᒋᐊᕐᓂᐊᕐᓂᕐᒧᓪᓗ ᑲᑎᒪᔩᑦ ᐊᕐᕌᒍᑕᒫᕐᓯᐅᑎᒥᒃ ᑲᑎᒪᑎᓪᓗᒋᑦ ᓂᕈᐊᕐᑕᐅᓯᒪᔪᑦ ᐅᕝᕙᓘᓪᓃᑦ ᓇᓗᓇᐃᕆᐊᒃᑲᓐᓂᕐᑕᐅᓯᒪᔪᑦ ᑭᒐᕐᑐᕐᑎᐅᓂᐊᕆᐊᖅ ᕿᑭᕐᑕᓂ ᐃᖃᓗᓕᕆᔨᒃᑯᑦ ᑲᑎᒪᔨᖏᓐᓄᑦ.
ᒥᑦᑎᒪᑕᓕᒻᒥ ᐅᒪᔪᓕᕆᓂᕐᒧᑦ ᒥᑭᒋᐊᕐᓂᐊᕐᓂᕐᒧᓪᓗ ᑲᑎᒪᔨᖏᑦ: ᐃᓅᑭ ᐃᓄᐊᕋᖅ ᐊᒻᒪ ᑕᐃᕙᑦ ᖃᒪᓂᖅ
ᓇᖕᒪᐅᑕᖅ:ᐅᒪᔪᓕᕆᓂᕐᒧᑦ ᒥᑭᒋᐊᕐᓂᐊᕐᓂᕐᒧᓪᓗ ᑲᑎᒪᔨᖏᑦ: ᓵᓐᑎ ᑲᐅᑕᖅ ᐊᒻᒪ ᕌᔭ ᐃᑦᑐᐊᖓᑦ
ᐸᓐᓂᕐᑐᒥ ᐅᒪᔪᓕᕆᓂᕐᒧᑦ ᒥᑭᒋᐊᕐᓂᐊᕐᓂᕐᒧᓪᓗ ᑲᑎᒪᔨᖏᑦ: ᕈᔅᓂᐊᓕ ᒧᓯᓯ ᐊᒻᒪ ᐸᑐᕆᒃ ᕿᓚᕙᖅ
ᐊᒪᕈᖅ ᐅᒪᔪᓕᕆᓂᕐᒧᑦ ᒥᑭᒋᐊᕐᓂᐊᕐᓂᕐᒧᓪᓗ ᑲᑎᒪᔨᖏᑦ: ᐋᑕᒥ ᐃᑦᑐᐊᑦᓯᐊᖅ ᐊᒻᒪ ᔨᒥ ᐊᑲᕙᒃ
ᒪᔪᑲᓕᒃ ᐅᒪᔪᓕᕆᓂᕐᒧᑦ ᒥᑭᒋᐊᕐᓂᐊᕐᓂᕐᒧᓪᓗ ᑲᑎᒪᔨᖏᑦ: ᒥᑭᑦᔪᒃ ᑯᓗᓛᖅ ᐊᒻᒪ ᕿᓕᕐᑎ ᐸᑦᓗᖅ
ᕿᑭᖅᑖᓗᖕᒥ ᐃᖃᓗᓕᕆᔩᑦ ᒥᒃᓵᓄᑦ
ᕿᑭᖅᑖᓗᖕᒥ ᐃᖃᓗᓕᕆᔩᑦ ᑲᑎᖓᓪᓗᑎᒃ ᐱᖁᑎᖃᕐᑎᐅᔪᑦ ᑕᓪᓕᒪᐃᑦ ᐅᒪᔪᕐᓂᐊᕐᑎᒃᑯᑦ ᑲᑎᒪᔨᖏᑦ ᓄᓇᕘᒥ: ᐊᒪᕈᖅ ᐅᒪᔪᕐᓂᐊᕐᑎᒃᑯᑦ ᑲᑎᒪᔨᖏᑦ (ᐃᖃᓗᐃᑦ), ᐸᓐᓂᖅᑑᖅ ᐅᒪᔪᕐᓂᐊᕐᑎᒃᑯᑦ ᑲᑎᒪᔨᖏᑦ (ᐸᖕᓂᕐᑑᖅ), ᒪᔪᑲᓕᒃ ᐅᒪᔪᕐᓂᐊᕐᑎᒃᑯᑦ ᑲᑎᒪᔨᖏᑦ (ᑭᒻᒥᕈᑦ), ᒥᑦᑎᒪᑕᓕᒃ ᐅᒪᔪᕐᓂᐊᕐᑎᒃᑯᑦ ᑲᑎᒪᔨᖏᑦ (ᒥᑦᑎᒪᑕᓕᒃ), ᐊᒻᒪᓗ ᓇᓚᐅᑕᖅ ᐅᒪᔪᕐᓂᐊᕐᑎᒃᑯᑦ ᑲᑎᒪᔨᖏᑦ (ᑲᖏᖅᖢᒑᐱᒃ). ᐊᑐᓂ ᐅᒪᔪᕐᓂᐊᕐᑎᒃᑯᑦ ᑲᑎᒪᔨᖏᑦ ᓂᕈᐊᕐᓯᕙᒃᖢᑎᒃ ᒪᕉᒃᓂᒃ ᑲᑎᒪᔨᐅᖃᑕᐅᓂᐊᕐᑑᒃᓂᒃ ᑲᑎᒪᔨᐅᓪᓗᑎᒃ ᐊᕋᒍᓄᑦ ᐊᑕᐅᓯᕐ, ᒪᕈᒃ ᐅᕙᓘᓐᓃᑦ ᐱᖓᓱᓄᑦ.
ᐅᒥᐊᕐᔪᐊᑦ
ᕿᑭᖅᑖᓗᖕᒥ ᐃᖃᓗᓕᕆᔩᑦ ᐱᒋᔭᐅᔪᖅ ᑕᒪᕐᒥᒃ 100−ᐳᓴᓐ ᐃᓄᖕᓄᒃ. ᐱᖁᑎᒋᔭᖏᓐᓂ ᐊᐅᓚᑦᑎᔾᔪᑕᐅᔪᖅ, ᓂᕿᑕᖅ ᐃᖃᓗᓕᕆᓂᕐᒧᑦ ᓕᒥᑎᑦ, ᕿᑭᖅᑖᓗᖕᒥ ᐃᖃᓗᓕᕆᔩᑦ ᐱᕈᑎᖃᕐᑐᑦ ᑕᒪᕐᒥᒃ 100−ᐳᓴᓐ ᐅᒥᐊᕐᔪᐊᓂᒃ ᐱᖓᓲᓪᓗᑎᒃ ᖁᐊᑯᕕᖃᕐᑐᑦ ᐃᖃᓗᒐᓲᑎᑦ.
ᐋᓐᓂᐊᖃᕐᑕᐃᓕᒪᓂᖅ, ᐊᑦᑕᕐᓇᕐᑕᐃᓕᒪᓂᖅ ᐊᒻᒪᓗ ᐊᕙᑎᓕᕆᓂᒃᑯᑦ ᑎᑎᕋᕐᓯᒪᔭᖏᑦ
ᕿᑭᖅᑖᓗᖕᒥ ᐃᖃᓗᓕᕆᔩᑦ ᐃᓱᒪᓯᒪᕗᑦ ᐋᖅᑭᒃᓯᑦᑎᐊᕈᓐᓇᕐᓂᖅ ᐋᓐᓂᐊᖃᕐᑕᐃᓕᒪᓂᖅ, ᐊᑦᑕᕐᓇᕐᑕᐃᓕᒪᓂᖅ ᐊᒻᒪᓗ ᐊᕙᑎᓕᕆᓂᒃᑯᑦ (HS&E) ᐊᐅᓚᑦᑎᓂᖅ ᐊᒃᓲᓂᖅᐸᖅ ᐱᒻᒪᕆᐅᓂᖅᐹᖑᑎᑕᐅᓂᐊᕐᓗᓂ ᐱᓕᕆᐊᖁᑎᒋᔭᒥᓂ. ᑐᕋᒐᐅᔪᖅ ᑮᓇᐅᔭᒃᓴᕐᓂᕗᑦ ᐋᓐᓂᐊᖃᕐᑕᐃᓕᒪᓂᖅ, ᐊᑦᑕᕐᓇᕐᑕᐃᓕᒪᓂᖅ ᐊᒻᒪᓗ ᐊᕙᑎᓕᕆᓂᒃᑯᑦ ᐊᐅᓚᑕᖏᓐᓂ ᖃᓄᐃᑎᑦᑎᑕᐃᓕᒪᓪᓗᓂ ᐱᕈᓗᒃᓂᒃᑯᑦ ᐃᖃᓇᐃᔭᕐᕕᖕᒥ, ᐊᓐᓂᑐᖃᖁᓇᒍ ᐊᒻᒪᓗ ᖃᓂᒻᒪᒃᑐᖃᖁᓇᒍ, ᐊᒻᒪᓗ ᖃᓄᐃᖏᑦᑎᐊᕐᓂᕐᒥᒃ ᐱᓇᓱᐊᕐᑎᑦᑎᓗᑎᒃ, ᐊᑦᑕᕐᓇᕐᑕᐃᓕᒪᓂᕐᒥᒃ ᐊᒻᒪᓗ ᓴᐳᔾᔨᓯᒪᓂᕐᒥᒃ ᐊᕙᑎᓕᕆᓂᒃᑯᑦ ᐱᔭᒃᓴᓕᒫᖏᓐᓂ ᐃᖃᓇᐃᔭᕐᑏᑦ ᑭᒐᕐᑐᐃᔪᑦ ᑮᓇᐅᔭᒃᓴᕐᕕᖕᒥ.
ᐃᖃᓇᐃᔭᕐᑎᑦ ᐱᕙᓪᓕᐊᑎᑕᐅᓂᖏᑦ
ᕿᑭᖅᑖᓗᖕᒥ ᐃᖃᓗᓕᕆᔩᑦ ᐅᒃᐱᕈᓱᑦᑎᐊᕐᑐᑦ ᐱᖃᓯᐅᑎᓗᒋᑦ ᑮᓇᐅᔭᒃᓴᕐᓂᖓ ᐃᖃᓗᒐᓱᒃᓂᒃᑯᑦ, ᐃᓕᓐᓂᐊᕐᑎᑦᑎᓂ, ᐃᖃᓇᐃᔭᕐᑎᑖᕋᓱᖕᓂᖅ ᐊᒻᒪᓗ ᐃᖃᓇᐃᔭᕐᑎᑕᐅᓂᖏᑦ ᐃᖃᓇᐃᔭᕐᑎᑦ ᐱᕚᓪᓕᐊᑎᖃᕐᓂᖏᓐᓂᒃ ᓄᓇᓕᖏᓐᓄᑦ. ᑐᕋᒐᐅᔪᖅ ᕿᑭᖅᑖᓗᖕᒥ ᐃᖃᓗᓕᕆᔩᑦ ᐃᓕᓯᒪᔪᓂᒃ ᓄᓇᕘᒥᐅᑕᓂᒃ ᐊᐅᓚᓂᓕᒫᖏᓐᓂ.
ᑐᓴᕆᐊᒃᑲᓐᓂᕈᒪᒍᑦᓯ ᐃᖃᓇᐃᔭᕐᓂᕐᒧᑦ ᐱᕕᒃᓴᐅᓂᖓᓂᑦ ᐃᖃᓗᒐᓱᐊᕈᑎ ᐅᒥᐊᕐᔪᐊᒥ, ᐅᖃᕐᕕᒋᓚᐅᕈᒃ
| ᖃᕙᔭᐅᖅ ᒥᑭᔾᔪᒃ |
| [email protected] |
| 867-979-3070 |
ᑐᑭᓯᒋᐊᒃᑲᓐᓂᕈᒪᑐᐊᕈᕕᑦ ᑖᒃᑯᓂᖓ ᕿᑭᖅᑖᓗᒃᒥ ᐃᖃᓗᓕᕆᔨᒃᑯᓐᓂᑦ:
| ᑯᕆᔅ ᕙᓛᓇᒐᓐ, ᐊᐅᓚᑦᑎᔨ ᐊᖓᔪᖅᑳᖅ |
| [email protected] |