ᒥᐊᓂᕐᓯᓂᖅ ᐱᐅᓂᕐᐸᐅᒋᐊᖃᓂᖏᓐᓂᒃ

ᐋᖅᑭᐅᒪᑎᑦᓯᓂᖅ ᐊᒻᒪ ᐊᐅᓚᑦᓯᓂᖅ ᐃᒪᕐᔪᐊᒥᑦ ᐱᒡᒍᑎᓂᒃᑯᑦ ᓂᐅᕕᕋᕐᑎᓂᒃ

ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᑲᔪᓯᑎᑦᓯᓯᐊᖏᓐᓇᕐᓂᕐᒧᑦ ᒪᓕᑦᑕᖏᑦ

ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᐱᐅᓂᕐᐹᓂᒃ ᐱᖅᑯᓯᖃᓂᕐᒥᒃ ᐊᑐᕐᑐᑦ ᖃᓄᓕᒫᖅ ᐱᓕᕆᓂᒃᑯᑦ. ᐊᐅᓚᑦᓯᕙᑦᑐᒍᑦ ᒪᓕᑦᓱᑕ ᐊᑲᐅᓂᕐᐹᓂᒃ ᒥᐊᓂᕐᓯᒍᓯᕐᓂᒃ ᐊᒻᒪ ᖃᐅᔨᓴᕐᐸᓐᓂᒃᑯᑦ ᐱᓕᕆᒍᓯᐅᔪᓂᒃ ᐃᒃᐱᒍᓱᑦᓯᐊᕐᓂᒃᑯᑦ ᖃᓄᐃᑦᑐᑐᐃᓐᓇᕐᓂᒃ ᐆᒪᔪᕐᓂᐊᕐᓂᒃᑯᑦ, ᐸᕐᓇᓇᐃᕐᓯᓂᒃᑯᑦ ᐊᒻᒪ ᑐᖅᑯᑐᐃᓂᒃᑯᑦ ᐃᖃᓗᓐᓂᒃ ᐊᑲᐅᓂᕐᐸᐅᒋᐊᕐᑐᒃᑯᑦ, ᐊᒻᒪ ᐃᖃᓗᑦᑕᐅᓂᑯᐃᑦ ᑕᕆᐅᕐᔪᐊᒥ ᓂᕆᔭᐅᒍᓐᓇᕐᓯᖁᓪᓗᒋᑦ ᓂᕐᕆᑎᒃᑯᑦ.

ᐊᑲᐅᓈᕐᑐᓂᒃ ᒥᐊᓂᕐᓯᓂᕐᒧᑦ ᐸᕐᓇᓐᓂᖅ

ᐃᖃᓗᓕᕆᕙᑦᑐᒍᑦ ᐃᒪᕐᒥ ᐅᒥᐊᕐᔪᐊᓂ ᐅᑯᓇᓂ, ᐋᕐᓗᒃ II- Reg # 0066, ᐃᓄᒃᓱᒃ I- reg # 0049 ᐊᒻᒪ ᓕᕗᓪᓕᖅ – Reg # 6002, ᐃᖃᓗᑦᑕᐅᕙᑦᑐᓂᒃ ᐃᒃᑮᓇᕐᑐᐊᓗᒻᒥ ᐅᑭᐅᕐᑕᕐᑑᖏᓐᓂ ᑲᓇᑕᐅᑉ ᑲᓇᓐᓇᖓᓂᓗ. ᐊᑐᓂᑦ ᐊᒥᐊᕐᔪᐊᑦ ᐊᑐᓂᑦ ᐊᑐᕐᐸᑦᑐᑦ ᒪᓕᒐᕐᓂᒃ ᐊᑦᑕᓇᕐᑕᐃᓕᓂᕐᒧᑦ ᖃᐅᔨᓴᕐᓂᒃᑯᑦ ᐊᒻᒪ ᐊᑐᕐᓂᒃᑯ ᐅᑯᓂᖓ Critical Control Points (HACCP), ᒥᐊᓂᕐᓯᓂᕐᒧᑦ ᐸᕐᓇᐃᓂᒃᑯᑦ, ᐊᐅᓚᑕᐅᔪᓄᑦ ᑲᓇᑕᐅᑉ ᒪᓕᒐᖏᑎᒍᑦ; ᐃᖃᓗᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᐱᖁᔭᕐᔪᐊᒥᒃ ᐊᒻᒪ ᓂᕿᓂᒃ ᐊᑦᑕᓇᕐᑕᐃᓕᑎᑦᓯᓂᕐᒧᑦ ᐱᖁᔭᕐᒥᒃ ᑲᓇᑕᒥ.

ᒪᓕᒋᐊᖃᓂᖅ ᐊᑲᐅᓂᕐᐹᓂᒃ ᒥᐊᓂᕐᓯᓂᒃᑯᑦ ᐸᕐᓇᓐᓂᒃᑯᑦ ᐊᑐᕐᑕᐅᕙᑦᑐᖅ ᑲᓇᑕᒥ ᓂᕿᓕᕆᓂᕐᒧᑦ ᑎᒥᐅᔪᒧᑦ, ᑲᓇᑕᑕᒥ ᖃᐅᔨᓴᕐᑎᓄᑦ ᐊᒻᒪ ᐊᑐᓕᕐᑕᐅᑎᑦᓯᔨᓄᑦ ᒪᓕᒐᕐᓂᒃ. ᑕᐃᒫᑦᓴᐃᓐᓇᖅ ᐱᒻᒪᕆᐅᒻᒪᑦ ᑲᓇᑕᒥ ᓂᕿᓂᒃ ᖃᐅᔨᓴᕆᐊᖃᓂᖅ ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑎᒍᑦ ᓂᐅᕕᕐᑎᖃᐅᒪᑕ ᓯᓚᕐᔪᐊᒥ ᐊᒻᒪ ᐱᒻᒪᕆᐅᓪᓗᑎᒃ ᑭᓪᓕᓕᐅᕐᑕᐅᓯᒪᓂᖏᑎᒍᑦ; ᓴᐃᓇ, ᔭᐹᓐ,, ᑕᐃᕗᐊᓐ, ᕕᐊᑦᓈᒻ, ᕼᐊᖕ ᑳᓐ, ᑲᓇᑕᐅᑉ ᐊᑭᐊ, ᔪᓇᐃᑎᑦ ᑭᖕᑕᒻ, ᐊᒻᒪ ᐊᒥᐊᓕᑲᑦ ᓄᓇᖓᓂ.

ᑕᒪᕐᒥᒃ ᒪᓕᒐᐃᑦ ᐊᑐᕐᑕᐅᕙᑦᑐᑦ ᐊᒻᒪ ᐃᓱᓕᓂᖃᕐᓱᑎᒃ ᐊᑐᕐᑕᐅᔭᕆᐊᓗᓐᓄᑦ, ᑲᒪᒋᓂᖃᑦᓯᐊᕐᓱᒋᓪᓗ ᐸᕐᓇᓇᐃᕐᑕᐅᓂᖏᑎᒍᑦ. ᐱᒋᐊᕐᓂᖃᕐᓱᑎᒃ ᐆᒪᔪᕐᓂᕐᒥᓂᒃ, ᐸᕐᓇᓇᐃᕐᓂᒃᑯᓪᓗ ᑕᒪᐃᓐᓂᒃ ᐅᒥᐊᕐᔪᐊᒥ, ᖁᐊᒃᑯᕕᒻᒧᐊᕐᑕᐅᓂᖏᑎᒍᓪᓗ, ᐃᒃᑮᓇᕐᑐᓄᑦ ᐊᒻᒪ ᓂᐅᕕᐊᒃᓴᐅᓂᐊᕐᑎᓪᓗᒋᑦ ᓯᓚᕐᔪᐊᒥ.

ᑎᑎᕋᖅᑕᐅᓯᒪᓂᖏᑦ ᐊᒻᒪ ᖃᐅᔨᓴᕐᑕᐅᕙᓐᓂᖏᑦ

ᑕᒪᕐᒥᒃ ᐅᒥᐊᕐᔪᐊᑦ ᐃᖃᓗᓕᕆᕕᖏᑦ ᐊᐅᓚᑕᐅᓂᖃᕐᐸᑦᑐᑦ ᐊᖏᕐᑕᐅᓯᒪᔪᓂᒃ ᑎᒥᐅᔪᒧᑦ ᐊᖓᔪᖅᑳᒧᑦ ᑐᓴᕐᑎᑦᓯᒋᐊᖃᕐᐸᑦᑐᒧᑦ ᑲᑉᑕᓐᖓᓂᒃ ᐊᒻᒪ ᓄᓇᒥ ᒥᐊᓂᕐᓯᔨᒥᒃ ᓄᓇᒥ.  ᑲᒪᒋᔭᖃᕐᐸᑦᑐᑦ ᑐᒃᓯᕋᕐᑕᐅᔪᓂᒃ ᓂᐅᕕᕐᐸᑦᑐᓄᑦ ᑕᐃᒪᖓᓕᒫᖅ ᐃᒪᕐᒥ ᐱᓕᕆᓪᓗᑎᒃ,  ᑲᒪᑦᓯᐊᕐᓱᑎᓪᓗ ᐃᖃᓗᐃᑦ ᓄᑕᐅᖏᓐᓇᕆᐊᖃᓂᖏᓐᓂᒃ. ᓂᐅᕕᐊᒃᓴᐃᑦ ᑲᒪᒋᔭᐅᓂᖃᕐᐸᑦᑐᑦ ᐃᒃᐱᒋᓪᓗᒋᑦ ᐊᖏᓂᕆᒋᐊᖃᕐᑕᖏᑦ, ᐴᕐᑐᕐᑕᐅᑦᓯᐊᕆᐊᖃᓂᖏᑦ, ᓇᓗᓴᐃᒃᑯᓯᕐᓱᕐᑕᐅᓗᑎᒃ ᐊᒻᒪ ᐅᖁᒪᐃᓐᓂᖏᑦ ᒪᑦᑎᑦᑕᐅᑎᒃᑯᑦ ᓈᒻᒪᓈᕐᓗᑎᒃ, ᑕᒪᕐᒥᒃ ᖁᐊᑦ ᐊᒻᒪ ᐊᐅᒪᔪᑦ ᐆᒪᔪᑦ.

ᓂᕿᓕᕆᕕᒻᒥ ᐊᖓᔪᖅᑳᖅ ᑎᑎᕋᕆᐊᖃᕐᐸᑦᑐᖅ ᖃᐅᔨᓴᕐᑕᒥᓂᒃ ᓂᕿᓕᕆᔭᐅᔪᓂᒃ, ᐊᐃᐸᔪᓂᒃ, ᖃᕆᑕᐅᔭᒃᑯᑦ ᐊᒻᒪ ᑭᖑᓪᓕᕐᐹᒥ ᐋᖅᑭᒃᓱᕐᑕᐅᓯᒪᒌᕐᑐᓂᒃ ᕿᒥᕐᕈᓪᓗᑎᒃ. ᐅᒥᐊᕐᔪᐊᒥ ᐃᖅᑲᓇᐃᔭᕐᑏᑦ ᐱᓕᒻᒪᒃᓴᕐᓯᒪᔪᑦ, ᐊᒻᒪ ᐃᓕᓐᓂᐊᕐᓯᒪᓪᓗᑎᒃ ᓇᓗᓇᐃᔭᐃᒋᐊᖅ, ᐊᒻᒪ ᑲᒪᒋᐊᖅ ᐊᑐᕆᐊᖃᖏᑦᑐᓂᒃ ᑐᓂᔭᐅᓂᐊᕐᑐᓄᑦ ᓂᐅᕕᕋᕐᑎᓄᑦ, ᑲᓇᑕᐅᓪᓗ ᐊᓯᐊᓄᐊᕐᑕᐅᓂᐊᕐᑐᓂᒃ, ᐱᓕᕆᑦᓯᐊᕆᐊᖃᓂᒃᑯᑦ ᐅᕝᕙᓘᓐᓃᑦ ᐅᒥᐊᕐᔪᐊᒥ ᐱᓕᕆᑦᓯᐊᕆᐊᖃᓂᕐᒧᑦ ᐸᕐᓇᐃᕙᓐᓂᒃᑯᑦ.

ᐃᖅᑲᓇᐃᔭᕐᑐᑦ ᐊᒻᒪ ᐱᓕᕆᕕᖏᑦ ᓴᓗᒪᒃᓴᕐᓯᒪᒋᐊᓖᑦ ᒪᓕᓪᓗᑎᒃ ᒪᓕᒐᕐᓂᒃ. ᓴᓗᒪᒋᐊᖃᓂᕐᒧᑦ ᐃᑲᔪᕈᕈᑎᒃᓴᐃᑦ ᐊᑐᕐᑕᐅᕙᑦᑐᑦ ᐃᓕᓴᐃᓂᒃᑯᑦ ᐃᖅᑲᓇᐃᔭᕐᑎᓂᒃ, ᐊᖓᔪᖅᑳᖑᓂᕐᓴᓂᓪᓗ ᓴᓗᒻᒪᕐᓴᐃᔨᓂᒃ ᐊᒻᒪ ᖁᐱᕐᕈᖃᕐᑕᐃᓕᑎᑦᓯᔨᓂᑦ, ᐊᒻᒪ ᓵᒻᒪᓪᓗᑎᒃ ᓱᓕᔾᔪᑎᖏᑦ ᒪᓕᓐᓂᖏᓐᓄᑦ ᒪᓕᒐᕐᓂᒃ, ᐊᒻᒪ ᐅᓪᓗᑕᒫᑦ ᖃᐅᔨᓴᕐᑕᐅᕙᓪᓗᑎᒃ ᐱᓕᕆᕕᖏᑦ ᐊᒻᒪ ᖃᓄᑎᒋᑦ ᐱᓕᕆᓂᖏᑦ ᐊᒻᒪ ᑭᖑᓂᐊᒍᑦ ᕿᒥᕐᕈᔭᐅᒃᑲᓐᓂᕐᐸᓪᓗᑎᒃ.

ᕿᒥᕐᕈᓂᖅ

ᑕᒪᕐᒥᑦᓯᐊᖅ ᓄᓇᕐᑕᐅᓯᒪᔪᑦ ᕿᒥᕐᕈᔭᐅᖅᑳᕆᐊᓖᑦ ᓂᐅᕕᐊᒃᓴᓕᕆᔨᓄᑦ ᐃᓕᑕᕆᔭᐅᓯᒪᔪᓄᑦ ᐱᖓᒧᒋᔭᖏᓐᓄᑦ ᖃᐅᔨᓴᕐᑎᓄᑦ ᓄᓇᒧᐊᕐᑕᐅᔪᓕᒫᓂᒃ. ᐅᑯᐊ ᐊᑖᓃᑦᑐᑦ ᑎᑎᕋᕐᑕᐅᓯᒪᔪᑦ ᐊᒻᒪ ᐊᔾᔨᓕᐅᕐᑕᐅᓯᒪᓪᓗᑎᒃ ᕿᒥᕐᕈᔭᒃᓴᐅᑎᓪᓗᒋᑦ ᓂᐅᕕᕐᑎᓄᑦ.

• ᕿᒥᕐᕈᓃᑦ ᖃᐅᔨᓴᕐᓂᑦ ᐅᓂᒃᑳᕆᔭᐅᑦᓯᐊᕐᓂᖏᑦ
• ᖃᓄᑎᒋᖅ ᐆᓇᕐᓂᖏᑦ/ᓂᓪᓕᓇᕐᓂᖏᑦ
• ᑐᖅᑯᑐᐃᓂᖅ/ᐴᕐᑐᐃᓂᖅ ᐊᒻᒪ ᓇᓗᓇᐃᒃᑯᓯᕐᑐᐃᓂᖅ
• ᐴᕐᑐᕐᑕᐅᔪᓂᒃ ᐋᖅᑭᐅᒪᑎᑦᓯᓂᖅ
• ᓱᕋᑦᓯᒪᒋᐊᖃᖏᓐᓂᖏᑦ ᐊᒻᒪ ᖃᓄᐃᑦᑑᓂᖏᑦ ᓂᖀᑦ
• ᖃᓄᖅ ᓇᑲᑎᕆᓂᖅ ᓂᕿᒥᒃ
• ᑲᓚᖏᑦ ᐊᒻᒪ ᖃᓄᐃᑦᑐᓂᖓ
• ᖃᓄᐃᑦᑐᓄᑦ ᐃᓕᔭᐅᓂᖏᑦ
• ᐅᖁᒪᐃᓐᓂᐊᕐᓗᒋᑦ, ᖁᐊᕐᑯᕕᒻᒧᐊᕐᓯᒪᔪᑦ ᐅᖁᒪᐃᓐᓂᖏᑦ, ᖁᐊᖑᖏᑦᑐᑦ ᐅᖁᒪᐃᓐᓂᖏᑦ ᑲᑎᓪᓗᒋᑦ.
  

ᖃᐅᔨᓴᕐᕕᓪᓚᕆᒻᒥ ᖃᐅᔨᓴᕐᐸᒻᒥᔪᑦ ᖁᐱᕐᕈᐊᕈᖃᑐᐃᓐᓇᕆᐊᖃᓂᕐᒥᒃ ᐊᒻᒪ ᐊᓯᖏᓐᓂᒃ ᕿᒥᕐᕈᓪᓗᑎᒃ. ᑭᓯᐊᓂ ᓇᓗᓇᐃᔭᕐᑕᐅᓯᒪᔪᑦ ᖁᐊᑯᑦ ᑳᓐᑐᕌᕐᑎᑕᐅᕙᑦᑐᑦ ᓯᕐᓗᐊᕆᔭᐅᒋᐊᖅ ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᐃᖃᓗᑦᑕᖏᓐᓄᑦ, ᖃᐅᔨᒪᔭᐅᓂᖃᕐᑐᓄᑦ ᑲᒪᑦᓯᐊᕐᐸᓐᓂᖏᓐᓄᑦ ᓂᕿᓕᕆᓂᒃᑯᑦ ᐊᒻᒪ ᐊᐅᓚᑦᓯᓂᒃᑯᑦ ᐱᓕᕆᒍᓯᓕᒫᓂᒃ ᐊᑐᕐᑕᐅ’ᖏᐊᖃᒻᒪᕆᒻᒪᑕ.

ᐃᒃᐱᒋᔭᖃᑦᓯᐊᕆᐊᖃᓂᖅ ᑕᒪᐃᓐᓂᒃ ᓂᕿᓕᕆᓂᒃᑯᑦ ᐊᑐᕐᑕᐅᔭᕆᐊᖃᒪᑦ ᒪᓕᓐᓂᒃᑯᑦ ᑲᓇᑕᒥ ᐃᖃᓗᓕᕆᔨᒃᑯᑦ ᐃᒪᕐᒥᐅᑕᓕᕆᔨᒃᑯᑦ ᐱᖁᔭᖏᓐᓂᒃ ᐊᒻᒪ ᓇᓗᓇᐃᒃᑯᓯᕐᑐᐃᓂᒃᑯᑦ, ᐅᓪᓗᑕᒫᖅ ᐆᒪᔪᕐᑕᐅᔪᓂᒃ ᑎᑎᕋᕐᓗᒋᓪᓗ ᐅᓪᓗᖏᑦ ᓇᐃᓴᐅᑎᓕᕐᓯᒪᓗᑎᒃ. ᓄᓈᑎᕆᓂᕐᑯᑦ ᓯᓚᕐᔪᐊᒥᐅᓄᑦ, ᐅᑯᐊ ᑎᑎᕋᕐᓯᒪᔪᑦ ᐊᑐᕐᑕᐅᕙᑦᑐᑦ ᐱᓕᕆᔪᓕᒫᓄᑦ:

• ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᓇᓗᓇᐃᒃᑯᑕᖅ
• ᓴᓗᒪᒋᐊᖃᓂᕐᒧᑦ ᓇᓗᓇᐃᒃᑯᑕᖅ
• ᓄᓈᕋᐃᓂᖅ
• ᓯᕐᓗᐊᑦ ᐃᒃᑮᓇᕐᑐᓄᑦ (ᑐᖅᑯᑐᖅᑕᑦ ᐊᒻᒪ ᐊᐅᓪᓚᕐᐸᓪᓕᐊᔪᑦ)
• ᐊᔾᔭᕐᑐᕋᐃᓂᖅ ᓄᓇᒃᑰᕈᑎᒃᑯᑦ
• ᑕᕆᐅᕐᒥ ᐅᖁᒪᐃᓐᓂᕐᓂᐊᕐᓂᖅ ᐆᒪᔪᓂᒃ
• ᓂᐅᕈᑎᓄᑦ ᐊᑭᓕᐅᑎᒃᓴᓕᐅᕐᓂᖅ

ᓂᐅᕕᐊᒃᓴᓕᐅᕐᓂᕐᒧᑦ ᒪᓕᒐᖅ ᐃᓚᐅᑎᑕᐅᔪᖅ ᓴᓗᒪᒋᐊᖃᓂᕐᒧᑦ ᒪᓕᒋᐊᖃᕐᑐᓂ ᐸᕐᓇᐃᓂᒃᑯᑦ.