ᐱᓕᕆᐊᕆᔭᖏᑎᒍᑦ ᖃᐅᔨᓴᕋᔭᕐᑐᑦ ᓯᓄᓂᒃᓴᒥ ᐆᑎᕆᓂᕐᒧᑦ ᐃᖃᓗᑉᐱᓂᒃ ᓂᐅᕕᐊᒃᓴᐅᖃᑦᑕᕋᔭᕐᑎᓪᓗᒋᑦ ᑭᓐᖓᕐᓂᑦ. ᐊᕐᕌᒎᓐᓂ ᒪᕐᕉᓐᓂ ᐅᑯᓂᖓ ᐱᓕᕆᒐᔭᕐᑐᑦ:
- ᓴᖅᑭᑎᑦᓯᓗᑎᒃ ᒪᕐᕉᓐᓂᒃ ᐃᖃᓗᓕᕆᕕᓐᓂᒃ ᓄᓇᓕᓐᓂ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᑭᓐᖓᕐᓃᒐᔭᕐᑎᓪᓗᒍ ᐃᖃᓗᓕᕆᕕᒃ
- ᐋᖅᑭᒃᓱᐃᒋᐊᕐᓗᑎᒃ ᓱᕋᑦᑎᕐᓯᒪᔪᓂᒃ, ᓄᑕᐅᓕᕐᑎᑦᓯᒋᐊᕐᓗᑎᒃ, ᐊᒻᒪ ᓄᓇᓕᓐᓂ ᖁᐊᒃᑯᕕᒃ ᐊᖏᓪᓕᒋᐊᕐᓗᒍ ᐃᖃᓗᓕᕆᒍᑎᖃᐅᕐᓂᐊᕐᓗᓂ ᐊᒻᒪ ᓄᓇᓕᓐᓂ ᖁᐊᒃᑯᕕᖃᓗᓂ
- ᐃᓕᓴᐃᓗᑎᒃ ᓄᓇᓕᓐᓂ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᓂᒃ ᐊᐅᓚᑦᓯᒋᐊᖅ ᐃᖃᓗᓕᕆᐅᑎᓂᒃ, ᐊᒻᒪ ᐴᕐᑐᐃᓂᕐᒧᑦ ᐊᑦᑕᓇᖏᑦᑐᒃᑯᑦ
- ᓄᓇᓕᓐᓂ ᐃᖃᓪᓕᐊᕐᑏᑦ ᐱᕕᒃᓴᖃᓂᕐᓴᐅᖁᓪᓗᒋᑦ ᐊᖏᓪᓕᑎᑦᓯᒋᐊᕆᐊᖅ ᐃᖃᓪᓕᐊᕈᓐᓇᕐᓂᕐᒥᓂᒃ ᐊᒻᒪ ᑮᓇᐅᔭᓕᐅᕈᑎᖃᓂᒃᑯᑦ ᐃᖃᓗᓕᕆᓂᒃᑯᑦ ᓂᐅᕕᐊᒃᓴᓕᐅᕐᓂᒃᑯᑦ ᐃᖃᓗᓐᓂᒃ ᐊᒥᐊᒃᑯᖏᓐᓂᒃ ᐊᒻᒪ
- ᐱᕕᒃᓴᖃᖁᓪᓗᒋᑦ ᐅᒥᐊᕐᔪᐊᓕᕆᔩᑦ ᐊᑐᕈᓐᓇᕆᐊᖅ ᐅᒥᐊᕐᔪᐊᒥᒃ ᐊᒻᒪ ᐃᖅᑲᓇᐃᔭᕐᑎᖃᕆᐊᖅ.
ᑕᒪᒃᑯᐊ ᑲᔪᓯᒍᓐᓇᕐᐸᑕ, ᐱᓕᕆᖃᑎᒌᑦᑐᑦ ᐋᖅᑭᒃᓱᐃᒐᔭᕐᑐᑦ ᐃᖃᓗᓕᕆᕕᒻᒥᒃ ᓄᓇᓕᐊᓂ ᑭᒻᒥᕈᑦ. ᑕᕝᕘᓇ ᐱᓕᕆᐊᖑᔪᑎᒍᑦ ᖃᐅᔨᓴᕋᔭᕐᓗᑎᒃ ᐅᓪᓗᒥ ᖃᓄᐃᑦᑑᓕᕐᓂᖏᓐᓂᒃ ᐃᖃᓗᓐᓂᒃ ᐆᑦᑎᕈᑏᑦ, ᖁᐊᒃᑯᕕᑦ, ᐊᒻᒪ ᐃᓪᓗᖓ, ᐊᒻᒪ ᐱᐊᓂᑦᑕᐅᓗᑎᒃ ᐱᓕᕆᐊᒃᓴᐃᑦ/ᓴᖅᑭᒋᐊᓕᓪᓗ ᐋᖅᑭᒃᓱᐃᓂᕐᒧᐊᖓᔪᑦ ᐃᓕᐅᖅᑲᐃᓂᒃᑯᑦ ᐊᒻᒪ ᓱᕋᑦᑎᕐᓯᒪᔪᓂᒃ ᐋᖅᑭᒃᓱᐃᓂᒃᑯᑦ ᖁᐊᒃᑯᕕᓐᓂᒃ, ᐊᒻᒪ ᐃᓪᓗᖁᑎᖓᓂᒃ. ᓱᕋᑦᑎᕐᓯᒪᔪᓂᒃ ᐋᖅᑭᒃᓱᐃᓂᖅ ᐊᒻᒪ ᓄᑕᐅᓕᕐᑎᕆᓂᖅ ᐱᐊᓂᒃᑕᐅᓯᒪᓕᕐᑐᑦ, ᓄᓇᓕᓐᓗ ᐃᓄᖏᑦ ᐃᓕᓐᓂᐊᕐᑎᑕᐅᓪᓗᑎᒃ ᐃᖃᓗᓕᕆᓂᕐᒥᒃ, ᐆᑎᕆᓂᕐᒥᒃ, ᐊᒻᒪ ᑐᖅᑯᑐᐃᓂᕐᒥᒃ ᐃᖃᓗᓐᓂᒃ ᐆᑎᓯᒪᔪᓂᒃ.
ᐊᖏᖃᑎᒌᒍᑕᐅᓯᒪᔪᖅ ᐊᑐᕆᐊᓯᓚᐅᕐᑐᖅ ᕕᕗᐊᕆ 5, 2019,ᒥ ᐊᒻᒪ ᐱᐊᓂᑦᑕᐅᓂᐅᔭᕐᑐᖅ ᐊᕐᕌᒎᓐᓂ ᒪᕐᕉᓐᓂ, ᓂᕆᐅᒋᔭᐅᓪᓗᑎᓪᓗ ᐱᐊᓂᑦᑕᐅᒐᔭᕐᓂᖏᑦ 2020,ᒥ. ᐊᑲᐅᓈᒻᒪᕆᒃᑲᔭᕐᑐᖅ ᓄᓇᓕᖓ ᑭᒻᒥᕈᑦ ᐃᑲᔪᕐᓯᔭᐅᒻᒪᕆᒃᑲᔭᕐᑐᑦ ᐊᒻᒪ ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᑐᕌᒐᕆᔭᖓ ᑲᔪᓯᓗᓂ ᑲᔪᓯᑦᓯᐊᕐᓂᐊᒍᑦ ᐱᓕᕆᐊᖑᔫᑉ ᐃᑲᔪᕐᓯᓂᒃᑯᑦ ᐋᖅᑭᒃᓱᐃᑎᓪᓗᒋᑦ ᒥᑭᔪᒥᒃ ᐱᓕᕆᕕᒃᓴᒥᒃ ᐃᖃᓗᓕᕆᓂᕐᒧᑦ/ᐆᑎᕆᓂᕐᒧᑦ ᑭᒻᒥᕈᕐᒥ ᐊᐅᓚᑕᐅᑎᓪᓗᒍ.
ᕿᑭᖅᑳᓗᖕᒥ ᐃᖃᓗᓕᕆᔨᒃᑯᑦ ᖁᕕᐊᒋᔭᖃᖅᑐᑦ ᑕᒪᑐᒪ ᑲᔪᓯᑦᓯᐊᕐᓂᐊᓂᒃ ᐊᒻᒪ ᑐᕌᒐᕆᔭᐅᔪᑦ ᐊᑐᕐᑕᐅᕙᓪᓕᐊᓂᖏᓐᓂᒃ ᐱᓕᕆᐊᒧᑦ.