2018,ᒥ, ᑲᖏᕐᑐᒑᐱᒻᒥ ᓇᓗᓇᐃᔭᐃᓚᐅᕐᑐᑦ ᓯᓄᓪᓕᐅᔾᔭᐅᖁᔭᖏᓐᓂ ᓄᓇᓕᑦ, ᓴᓇᓂᕐᒧᑦ ᐃᓪᓗᖁᑎᖃᕆᐊᖃᓂᕐᒥᓂᒃ. ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᑲᑐᔾᔨᖃᑎᒌᖏᑦ, ᐱᓕᕆᖃᑎᖃᕐᓱᑎᒃ ᓇᒻᒪᐅᑕᓕᒃ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓂᒃ, ᐊᒻᒪ ᑮᓇᐅᔭᑎᒍᑦ ᐃᑲᔪᕐᓯᔭᐅᓪᓗᑎᒃ CanNor,ᑯᓐᓄᑦ ᐊᒻᒪ ᒐᕙᒪᖏᓐᓄᑦ ᓄᓇᕗᒻᒥ, ᑲᔪᒥᑎᑦᓯᕙᓪᓕᐊᒻᒪᑕ ᐱᖓᓱᓄᑦ ᐊᕐᕌᒍᓄᑦ ᐱᓕᕆᐊᖑᓂᐊᕐᑐᒥᒃ ᓄᓇᓕᓐᓂ ᖁᐊᒃᑯᕕᒃᓴᒥᒃ, ᐱᖃᓯᐅᑎᓗᒋᓪᓗ ᓂᕿᓕᕆᕕᖃᕆᐊᖃᓂᖅ ᐊᒻᒪ ᓂᐅᕕᐊᒃᓴᓕᐅᕐᕕᖃᕆᐊᖃᓂᖅ ᖃᓕᕋᓕᓐᓂᒃ, ᐊᒻᒪ; ᐋᖅᑭᒃᓱᐃᓂᒃᑯᑦ ᓄᑖᒥᒃ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᓪᓚᕕᖓᓂᒃ ᐊᒻᒪ ᓂᐅᕕᕐᕕᒥᒃ ᓄᓇᒃᑰᕈᑎᓄᑦ/ᓯᑭᑑᓄᓪᓗ ᐋᖅᑭᒃᓱᐃᓂᕐᒧᑦ.
ᓇᐃᓪᓕᒋᐊᕐᓯᒪᔪᑦ ᑲᖏᕐᑐᒑᐱᒻᒥ ᐃᑲᔫᓯᐊᖑᑦᑐᑦ ᐱᓕᕆᓂᒃᑯᑦ:
ᓄᓇᓕᓐᓂ/ᓂᐅᕕᐊᒃᓴᖃᓂᖅ ᖁᐊᒃᑯᕕᒃᑯᑦ ᐊᒻᒪ ᓂᕿᓕᕆᕕᒃ ᐃᓪᓗᖅ, ᐊᓯᐊᓂᓗ ᐊᓪᓚᕕᖃᓕᕐᓱᑎᒃ ᒪᕐᓗᑯᖃᕕᒻᒥᒃ, ᐊᒻᒪ; ᓂᐅᕕᕐᕕᖃᕐᓱᑎᒃ ᓴᓇᕕᒻᒥᒃ ᓯᑭᑑᓄᑦ/ᓄᓇᒃᑰᕈᑎᓄᓪᓗ
ᑕᒪᒃᑯᐊ ᐱᓕᕆᐊᒃᓴᐃᑦ ᐃᑲᔪᕐᓯᒍᑕᐅᓂᐊᕐᑐᑦ ᑮᓇᐅᔭᓕᐅᕐᓂᕐᒧᑦ ᐊᒻᒪ ᓴᓐᖏᓕᕆᐊᕈᑕᐅᓗᓂ ᓄᓇᓕᓐᓂ ᑮᓇᐅᔭᓕᐅᖁᓐᓇᕐᓂᕐᒧᑦ.
ᓄᓇᓕᓐᓂ ᖁᐊᒃᑯᕕᑦᑕᕋᕐᑐᑦ, ᓴᓇᔭᐅᓂᐅᔭᕐᑐᒥᒃ, ᐱᖓᓱᓂᒃ ᐃᓪᓗᐊᕈᓯᕐᓂᒃ ᐱᓕᕆᕕᖃᓗᓂ ᐊᒻᒪ ᐊᓂᕐᓂᖃᕐᓇᕐᑐᖃᑦᓯᐊᕐᓗᓂ, ᐅᖅᑯᓴᐅᑎᖃᓗᓂ ᓂᓪᓕᐅᑎᖃᕐᓗᓂ. ᐃᓪᓘᑉ ᓴᓇᔭᐅᓯᒪᓂᐊ ᓂᕿᓕᕆᕕᐅᒍᓐᓇᕐᑐᖅ, ᐊᒻᒪ ᓂᐅᕕᐊᒃᓴᖃᕕᖃᓗᓂ, ᐱᓕᕆᕕᖃᓗᓂᓗ ᖃᓕᕋᓕᓐᓂᒃ ᐊᒻᒪ ᐃᖃᓗᑉᐱᓂᒃ, ᐊᐅᓚᑕᐅᓂᖃᕐᑐᓂᒃ ᑲᓇᑕᒥ ᓂᕿᓂᒃ ᕿᒥᕐᕈᔨᑦ ᒪᓕᒐᖏᑎᒍᑦ.