ᑕᐃᔅᓱᒪᓂᓂᑦ ᖃᓄᐃᓕᖓᓂᖓ ᓄᓇᕗᑦ

ᓄᓇᕗᑦ, ᑐᑭᖃᖅᑐᖅ “ᐅᕙᒍᑦ ᓄᓇᖓᑦ” ᐃᓄᒃᑎᑐᑦ,  ᑲᓇᑕᒥ ᐱᖓᓲᔪᓂᑦ ᐊᕕᒃᑐᖅᑕᐅᓯᒪᔪᓂ ᓄᑕᐅᓂᖅᐹᖑᕗᖅ. ᓄᓇᕗᑦ ᓴᖅᑭᓚᐅᖅᓯᒪᔪᖅ ᐄᑉᐳ 1, 1999ᒥ ᓄᓇᕗᑦ ᓄᓇᑖᕐᓂᑦᒧ ᐊᖏᕈᑎ ᐊᑎᓕᐅᖅᑕᐅᓚᐅᖅᑎᓪᓗᒍ. ᐱᖓᓲᔪᓂᑦ ᐊᕕᒃᑐᖅᑕᐅᓯᒪᔪᓂᑦ ᐊᖏᓂᖅᐹᖑᕗᖅ ᑲᓇᑕᐅᑉ ᓄᓇᖓᑕ 2,093,190 ᑭᓗᒦᑕᔅ 20ᐳᓴᓪᓗᐊᖓᓂ ᐊᖏᓂᖃᖅᑐᓂ. ᓄᓇᕗᑦ ᐱᖓᓱᓄᑦ ᐊᕕᒃᑐᖅᑕᐅᓯᒪᕗᖅ : ᕿᑎᕐᒥᐅᑦ, ᑭᕙᓪᓕᖅ,, ᕿᑭᖅᑖᓗᒃ. ᐃᖃᓗᐃᑦ ᓄᓇᕘᒧᑦ ᑐᖅᑲᖅᑕᕐᕕᐅᓪᓗᓂ ᐊᖏᓂᖅᐹᖑᓪᓗᓂᓗ ᐊᖓᔪᖅᑳᖃᕐᕕᐅᕗᖅ 26-ᖑᔪᓄᑦ ᓄᓇᓕᖕᓄᑦ ᓄᓇᕘᖃᕈᑎᐅᓪᓗᓂᑦ. ᐊᑎᖃᕐᖓᓚᐅᖅᓯᒪᓪᓗᓂ ᖃᓗᓐᓈᑎᑐᑦ ᕗᕈᐱᓴᐸᐃᒥᒃ, ᐃᖃᓗᐃᑦ ᕿᑭᖅᑖᓗᖕᒦᑉᐳᖅ ᑕᓪᓕᒪᒋᔭᖓᑦ ᐊᖏᓂᖅᐹᖑᔪᓂᑦ ᕿᑭᖅᑕᓂ ᓄᓇᖅᔪᐊᒥ.

ᓴᐃᒻᒪᑎ

[frame linking=”lightbox” align=”left” type=”paper-stack”]Nunavut Flag[/frame]

ᑐᖑᔪᖅᑕᖅ ᐊᒻᒪ ᒎᓗ ᑕᖅᓴᖏᑦ ᓇᓗᓇᐃᒃᑯᑕᐅᕗᑦ ᐊᔪᖅᓴᖏᓐᓂᖓᓂᑦ ᓄᓇ, ᑕᕆᐅᖅ ᐊᒻᒪ ᓯᓚᖓ. ᐃᓄᒃᓱᒃ ᓇᓗᓇᐃᒃᑯᑕᐅᓪᓗᓂ ᐅᔭᕋᖕᒥᒃ ᓴᓇᓯᒪᔪᖅ ᐊᓯᐅᔾᔭᐃᒃᑯᑎᐅᓪᓗᓂ ᓇᓃᓐᓂᖏᓐᓄᑦ ᐃᓄᐃᑦ, ᓄᓇᒦᖑᔭᐅᔭᑐᐃᓐᓇᖅᑐᓂ ᓇᓗᓇᐃᒃᑯᑕᐅᖕᒥᔪᖅ ᐱᒻᒪᕆᐅᒋᔭᐅᓂᖓᓂᑦ ᐃᓄᖕᓄᑦ ᐊᒻᒪ ᐊᔾᔨᐅᖏᑦᑐᒥᒃ ᐃᓂᐅᓂᖓᓂᑦ. ᐅᓪᓗᕆᐊᓐᖑᐊᖅ ᑕᐃᔅᓱᒪᓂᑐᖃᓂᑦ ᑕᓯᐅᖅᓯᔾᔪᑎᐅᕗᖅ ᐊᓯᐅᔾᔭᐃᒃᑯᑕᐅᓪᓗᓂ ᐊᒻᒪᓗ ᓇᓗᓇᐃᒃᑯᑕᐅᓪᓗᓂ ᓯᕗᓕᖅᑎᐅᓂᕐᒧᑦ ᐃᓐᓇᑐᖃᓄᑦ ᓄᓇᓕᖕᓂᑦ.

[frame linking=”lightbox” align=”right” type=”paper-stack”]
 
[/frame]

ᑐᖑᔪᖅᑕᖅ ᐊᒻᒪ ᒎᓗ ᑕᖅᓴᖏᑦ ᓇᓗᓇᐃᒃᑯᑕᐅᕗᑦ ᐊᔪᖅᓴᖏᓐᓂᖓᓂᑦ ᓄᓇ, ᑕᕆᐅᖅ ᐊᒻᒪ ᓯᓚᖓ. ᐃᓄᒃᓱᒃ ᓇᓗᓇᐃᒃᑯᑕᐅᓪᓗᓂ ᐅᔭᕋᖕᒥᒃ ᓴᓇᓯᒪᔪᖅ ᐊᓯᐃᔾᔭᐃᒃᑯᑎᐅᓪᓗᓂ ᓇᓃᓐᓂᖏᓐᓄᑦ ᐃᓄᐃᑦ ᐊᐅᓪᓚᖅᓯᒪᔪᓂᑦ ᓄᓇᑐᐃᓐᓇᕐᒥ ᐊᒻᒪ ᓇᓗᓇᐃᒃᑯᑕᐅᖕᒥᔪᖅ ᐱᒻᒪᕆᐅᒋᔭᐅᓂᖓᓂᑦ ᐃᓄᖕᓄᑦ ᐊᒻᒪ ᐊᔾᔨᐅᖏᑦᑐᒥᒃ ᐃᓂᐅᓂᖓᓂᑦ. ᖁᓪᓕᖅ ᑭᒡᒐᖅᑐᐃᕗᖅ ᖃᐅᒪᔪᒥᒃ ᐊᒻᒪ ᐆᓇᑦᑎᐊᕐᓂᖏᓐᓂᑦ ᖃᑕᓐᖑᑎᒌᑦ ᐊᒻᒪᓗ ᓄᓇᓕᒃ. ᐊᖕᒪᓗᖓᐅᔭᕐᓂᖓ ᒍᓗᒥᑦ ᐱᔾᔪᑎᖃᖅᐳᖅ ᐃᓅᓯᕐᒥᑦ ᑐᓂᓯᓂᕆᖃᑦᑕᕐᓂᖓᓂᑦ ᓯᑭᓂᖅ ᖁᓛᓂ. ᐅᓪᓗᕆᐊᖅ ᑭᒡᒐᖅᑐᐃᕗᖅ ᐃᓕᖅᑯᓯᑐᖃᒥ ᑕᓯᐅᖅᓯᔾᔪᑕᐅᔪᒥᑦ ᐊᓯᐅᔾᔭᐃᒃᑯᑎᐅᓂᕐᒧᑦ. ᐃᒡᓗᕝᐸᓐᖑᐊᖅ ᑭᒡᒐᖅᑐᐃᓪᓗᓂ ᐃᓕᖅᑯᓯᑐᖃᒥ ᐃᓅᓯᐅᓚᐅᕐᓂᖓᓂᑦ ᐃᓄᖕᓄᑦ ᐊᒻᒪ ᐊᓐᓇᐅᒻᒪᔾᔪᑎᐅᓪᓗᓂ ᐆᒪᓇᓱᐊᕈᑎᐅᓪᓗᓂ. ᐊᖓᔪᖅᑳᒧᑦ ᓇᓴᓐᖑᐊᖅ ᓇᓗᓇᐃᒃᑯᑕᐅᕗᖅ ᑭᒃᑯᑐᐃᓐᓇᕐᓄᑦ ᒐᕙᒪᐅᓂᖓᓂᑦ ᐊᒻᒪ ᒪᑭᑎᑦᑎᓪᓗᓂ ᓄᓇᕘᒥᑦ ᑲᑐᔾᔨᔨᐅᖃᑕᐅᓂᖓᓂᑦ ᑲᓇᑕᐅᑉ ᓄᓇᖅᔪᐊᖓᓂ. ᑐᒃᑐᓐᖑᐊᖅ ᕿᓚᓗᒐᓐᖑᐊᕐᓗ ᑭᒡᒐᖅᑐᐃᕘᖅ ᓄᓇᒥ ᑕᕆᐅᕐᒥᓗ ᐆᒪᔪᖁᑎᑦᑎᓐᓂᑦ ᑖᒃᑯᐊᓗ ᐃᓚᒋᔭᐅᖃᑕᐅᓪᓗᑎᒃ ᐃᓕᖅᑯᓯᑐᖃᐅᔪᒥᑦ ᓄᓇᕘᒥᑦ. ᓴᓂᕋᖏᓐᓂᑦ ᑭᒡᒐᖅᑐᐃᕗᑦ ᓄᓇᒥᑦ ᑕᕆᐅᕐᒥᓗ ᐊᒻᒪ ᐱᖓᓱᓂᒃ ᐱᕈᖅᑐᓐᖑᐊᖃᖅᐳᖅ ᐅᑭᐅᖅᑕᖅᑐᒥ ᐱᕈᖅᑐᖏᓐᓂᑦ. ᐃᓄᒃᑎᑐᑦ ᑐᑭᖓ ᑐᑭᖃᖅᐳᖅ “ ᓄᓇᕗᑦ, ᓴᓐᖏᓂᕗᑦ”.