ᐅᕙᒍᑦ ᒥᒃᓵᓄᑦ

ᕿᑭᖅᑖᓗᖕᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᒥᒃᓵᓄᑦ

ᐃᓕᓴᕆᔭᐅᓪᓗᓂ ᓄᑖᖅ 0Aᒥ ᖃᓕᕋᓕᖕᓄᑦ ᑰᑕᖏᑦ ᐱᐅᓂᐹᒥᒃ ᐊᑑᑎᐅᒐᔭᕐᓂᖓᓂᑦ ᑲᑐᔾᔨᖃᑎᒌᒍᑕᐅᒃᐸᑦ ᐃᖃᓗᓕᕆᓂᕐᒧᑦ ᐱᕙᓪᓕᐊᑎᑦᑎᓂᖏᓐᓄᑦ ᐱᔾᔪᑎᖃᖅᑐᑎᒃ, ᐊᑎᓕᐅᖅᑎᐅᓚᐅᖅᑐᑦ ᐊᖏᖅᐳᑦ ᑮᓇᐅᔭᑎᒍᑦ ᕿᑐᕐᖏᐅᕈᑎᒋᒃᑲᓐᓂᖁᓪᓗᒋᑦ ᑮᓇᐅᔭᓕᐊᓕᒫᑦ ᓂᖏᖅᑕᕈᑎᓄᑦ ᐊᖏᕈᑕᐅᓯᒪᔪᓂᑦ ᐅᕝᕙᓘᓐᓃᑦ ᐊᓯᖏᓐᓂᑦ ᑮᓇᐅᔭᓕᐊᓂᑦ, ᓯᕗᓪᓕᖅᐹᑦ ᐊᕐᕌᒍᓄᑦ ᐱᖓᓱᓄᑦ ᑕᐃᒪᐃᓕᐅᕐᓗᑎᒃ, ᒐᕙᒪᒃᑯᑦ ᐊᓯᖏᓐᓄᓪᓗ ᐱᔾᔪᔾᔨᔨᐅᔪᑦ ᐃᒻᒥᓂᒃ ᐊᐅᓚᔾᔭᒋᐊᖅᑎᑦᑎᕙᒃᓗᑎᒃ ᒪᑯᓂᖓ, ᓇᓗᓇᐃᕐᓗᒋᑦ ᓇᓕᐊᒃ ᓯᕗᓪᓕᐅᔾᔭᐅᖁᔭᐅᒪᖔᑕ ᑮᓇᐅᔭᑎᒍᓪᓗ ᐊᑐᖅᑐᒃᓴᒫᑎᒍᑦ ᐊᖅᑭᒃᑕᐅᓗᓂ ᐊᑐᓂᑦ ᐊᕐᕌᒍᖏᓐᓂᑦ ᐃᓚᒋᔭᐅᔪᓄᑦ :[list type=”check”]

  • ᐃᖃᓗᖃᕐᒪᖔᑦ ᖃᐅᔨᓴᕐᓂᖅ;
  • ᐱᕙᓪᓕᐊᑎᑦᑎᓂᖅ ᓄᑖᓂᒃ ᓄᓇᖅᐸᓯᖕᒥ ᐃᖃᓗᓕᕆᓂᕐᒧᑦ ᐊᒻᒪ ᓴᖅᑭᑉᐸᓪᓕᐊᔪᓄᑦ ᐃᖃᓗᓕᕆᓂᕐᒨᖓᔪᓂᑦ
  • ᐃᒪᕕᖕᒥ ᐱᕙᓪᓕᐊᑎᑦᑎᓂᖅ ᐃᖃᓗᓕᕆᓂᕐᒧᑦ;
  • ᐃᖅᑲᓇᐃᔭᖅᑎᑖᕐᓂᖅ ᐃᓕᓐᓂᐊᖅᑎᑦᑎᓂᕐᓗ ᓄᑖᓂᒃ ᒫᓐᓇᒧᓪᓗ ᐃᖅᑲᓇᐃᔮᓂᒃ ᐃᒪᕕᖕᒥ ᐃᖃᓗᓕᕆᓂᕐᒧᑦ ᐱᓕᕆᕕᖓᓂᑦ
  • ᑮᓇᐅᔭᑎᒍᑦ ᑮᓇᐅᔭᓕᐅᕋᓱᒃᑎᑦᑎᓗᓂ ᓄᓇᕘᒥ ᐃᖃᓗᓕᕆᓂᕐᒧᑦ ᐅᒥᐊᖅᔪᐊᖏᓐᓂᑦ
  • ᐊᔭᐅᖅᓯᔾᔪᑎᒋᒻᒪᕆᒃᓗᒍ ᐊᑐᐃᓐᓇᐅᕝᕕᐅᒃᑲᓐᓂᓕᖁᓪᓗᒋᑦ ᐊᓯᖏᓐᓄᑦ ᐃᖃᓗᓕᕆᓂᕐᒧᑦ ᑰᑕᖏᓐᓂᑦ, ᐃᓚᐅᖃᓯᐅᑎᓗᑎᒃ ᐊᒥᓱᕈᖅᐸᓪᓕᐊᓂᖃᖅᑐᑦ ᓄᓇᕘᒥ ᐱᔭᒃᓴᓪᓗᐊᖏᑦ ᖃᓕᕋᓖᑦ 0B ᐊᕙᑎᖓᓂ
  • ᐸᐃᑉᐹᑎᒍᑦ ᐱᓕᕆᓗᒋᑦ ᐃᒻᒥᓂᒃ ᐊᐅᓚᔾᔭᒋᐊᖅᑕᐅᓯᒪᔪᑦ, ᐃᓚᐅᖃᓯᐅᑎᓗᒋᑦ ᐱᕙᒌᔭᐃᓂᕐᒧᑦ ᐅᖄᓚᐅᑎᒃᑯᑦ ᑐᒃᓯᕋᐅᑎᓕᐊᑦ

 

[/list]

[dropcap type=”square”]1[/dropcap]ᑲᔪᓯᓂᖃᑦᓯᐊᖅᓯᒪᔪᑦ

ᓱᓕᑦᑎᐊᖏᓐᓂᖃᖅᑐᓂᑦ ᑐᓴᒐᒃᓴᓂᑦ ᐅᓂᒃᑲᐅᓯᐅᒻᒪᕆᖃᑦᑕᖅᓯᒪᕗᑦ ᑲᓇᑕᐅᑉ ᒪᓕᒐᓕᐅᕐᕕᖓᓂ ᓴᓇᑦ ᐃᓐᓇᑐᖃᐅᓂᕋᖅᑕᐅᔪᑦ ᑲᑎᒪᔨᕋᓛᒃᑯᖏᓐᓂᑦ ᖃᓄᐃᓕᐅᖅᐸᖕᓂᖏᑦ ᕿᑭᖅᑖᓗᖕᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᒃᑯᑦ.  ᐅᐱᒋᕗᒍᑦ ᑎᒍᓯᔪᓐᓇᖃᑦᑕᖅᓯᒪᒐᑦᑕ ᑕᕝᕙᓂ ᑲᑐᔾᔨᖃᑎᒌᖑᔪᓂᑦ ᑕᐃᒪᓐᖓᓂᑦ ᓴᖅᑭᓚᐅᖅᓯᒪᖕᒪᑦ 2001ᒥᑦ.

2002ᒥ, ᕿᑭᖅᑖᓗᖕᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐱᕙᓪᓕᐊᑎᑦᑎᓚᐅᖅᓯᒪᖕᒪᑦ ᐱᓕᕆᐊᒃᓴᓄᑦ ᐸᕐᓇᐅᑎᖓᓂᑦ, ᐊᒻᒪ ᐅᓂᒃᑲᐅᓯᖃᕈᒪᕗᒍᑦ ᐃᓕᔅᓯᓐᓄᑦ ᑲᔪᓯᑦᑎᐊᖅᓯᒪᓂᑦᑎᓐᓂᑦ ᖃᓄᐃᓕᐅᕐᓂᑦᑎᓐᓄᑦ ᓯᕗᒧᐊᒃᑎᑕᐅᓚᐅᖅᑐᓂ ᑕᐃᔅᓱᒥᖓ ᐸᕐᓇᐅᑎᒥᒃ ᐊᒻᒪ ᒫᓐᓇ ᓯᕗᒧᐊᓕᖅᑐᒍᑦ ᑭᖑᓪᓕᕐᒥ ᐱᓕᕆᓂᒃᓴᒧᑦ ᐱᓕᕆᐊᒃᓴᓂᑦ ᓄᒃᑎᖅᑎᕆᕙᓪᓕᐊᓂᕐᒥᑦ – ᐅᒥᐅᖅᔪᐊᓂ ᓇᖕᒥᓂᖁᑎᑖᕐᓂᕐᒥᒃ ᐊᒻᒪ ᐃᓄᐃᑦ ᐃᖅᑲᓇᐃᔭᕈᓐᓇᕐᓂᓕᒫᖏᓐᓄᑦ ᐃᖅᑲᓇᐃᔭᖅᑎᓐᓇᓱᐊᖅᑕᐅᓂᖏᑦ ᓄᓇᕘᒥ ᐱᕙᓪᓕᐊᓂᖃᖅᑐᒧᑦ ᐃᖃᓗᓕᕆᓂᕐᒧᑦ. ᓴᓐᖏᔪᒥᒃ ᐃᒃᐱᒍᓱᖕᓂᖃᖅᐳᒍᑦ ᐱᕚᓕᕈᑎᐅᔪᓐᓇᕐᓂᓕᒫᖏᓐᓄᑦ ᐱᕚᓪᓕᕈᑎᐅᖁᓪᓗᒋᑦ ᐅᕙᒍᑦ ᓄᑖᒥᒃ ᐃᖃᓗᓕᕆᓂᖅᐳᑦ ᐃᑲᔫᑎᐅᓗᑎᒃ ᓄᓇᕘᒥᐅᓄᑦ.

[dropcap type=”square”]2[/dropcap]ᓯᕗᒧᑦ ᓅᑉᐸᓪᓕᐊᓂᖅ

ᐃᓄᐃᑦ ᐃᖅᑲᓇᐃᔭᕈᓐᓇᕐᓂᓕᒫᖏᓐᓄᑦ ᐃᖅᑲᓇᐃᔭᖅᑎᑕᐅᓇᓱᐊᕐᓂᖏᑦ ᐃᖃᓗᓕᕆᓂᕐᒥ – 2002ᒥᑦ 2004ᒧᑦ, ᕿᑭᖅᑖᓗᖕᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᖅᑭᒃᓯᓚᐅᕐᒪᑕ ᐊᑐᓕᖅᑎᑦᑎᓪᓗᑎᒃᓗ ᐱᖓᓱᓂᒃ ᐃᓕᓐᓂᐊᖅᑎᑦᑎᔾᔪᑎᓂᒃ 36ᓄᑦ ᐃᓄᖕᓄᑦ ᐃᖅᑲᓇᐃᔭᖅᐸᒃᑐᓄᑦ, ᑲᑎᓪᓗᒋᑦ ᐊᑭᖃᖅᑎᒋᓪᓗᑎᒃ $200,000ᓂᒃ. ᐃᖅᑲᓇᐃᔭᓐᖑᐊᖅᑎᑦᑎᑐᐃᓐᓇᖅᐸᖕᓂᖅ ᐃᓄᖕᓂᒃ ᓈᒻᒪᒍᓐᓃᕐᒪᑦ. ᐃᓄᖁᑎᕗᑦ ᐊᐅᓚᑦᑎᓂᕐᒧᑦ ᐱᓕᕆᐊᒃᓴᖃᒃᑲᓐᓂᖅᑎᓄᓪᓗ ᐃᖅᑲᓇᐃᔮᒃᓴᓄᑦ ᓅᑉᐸᓪᓕᐊᑎᒋᐊᖃᓕᕋᓗᐊᕋᑦᑎᒍᑦ ᐃᖃᓗᒐᓲᑎᑦᑕ ᐅᒥᐊᖅᔪᐊᖏᓐᓂᑦ. 2004ᒥ, ᑲᑐᔾᔨᖃᑎᒌᖑᔪᑦ ᓯᕗᓕᖅᑎᐅᓚᐅᖅᐳᑦ ᐱᕙᓪᓕᐊᑎᑦᑎᓪᓗᑎᒃ ᐊᑐᓕᖅᑎᑦᑎᓪᓗᑎᒃᓗ ᓯᕗᓂᒃᓴᑐᖃᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᐸᕐᓇᐅᑎᖓᓂᑦ ᓄᓇᕘᒥ ᐃᖃᓗᒐᓱᒃᑎᖏᓐᓄᑦ ᐊᒻᒪ ᐅᓂᒃᑲᐅᓯᖃᕈᒪᕗᒍᑦ ᕕᑉᐳᐊᕆ 14 2005ᒥ, $5.4 ᒥᓕᐊᓐ ᐃᓕᓐᓂᐊᖅᑎᑦᑎᔾᔪᑎᒃᓴᑦ ᐸᕐᓇᐅᑎᖏᓐᓄᑦ ᐊᖏᖅᑕᐅᓚᐅᖅᐳᖅ ᑲᓇᑕᐅᑉ ᐃᖅᑲᓇᐃᔭᖅᑐᓕᕆᔨᖏᓐᓄᑦ. ᑖᒃᑯᐊᓕ ᑲᑐᔾᔨᖃᑎᒌᖑᔪᑦ ᑐᓂᓯᓚᐅᖅᑐᑎᒃ $1 ᒥᓕᐊᓂᒃ ᑕᕝᕗᖓ ᐸᕐᓇᐅᑎᐅᓂᕋᖅᑕᒧᑦ. ᓱᓕᒃᑲᓐᓂᖅ ᑲᔪᓯᔪᒪᓪᓚᕆᖕᓂᖏᓐᓂᑦ ᓴᖅᑭᑉᐳᑦ ᐱᕙᓪᓕᐊᑎᑦᑎᓂᖅ ᓄᓇᕗᑦ ᐃᖃᓗᓕᕆᓂᖓᓂᑦ. ᓄᓇᕘᒥ ᐃᖃᓗᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᑲᑐᔾᔨᖃᑎᒌᑦ ᐱᖁᔭᑎᒍᑦ ᑎᒥᓐᖑᖅᑎᑕᐅᓚᐅᖅᓯᒪᖕᒪᑕ ᑐᑭᒧᐊᒃᑎᑦᑎᔨᐅᖁᓪᓗᒋᑦ ᐊᑐᓕᖅᑎᑦᑎᓗᑎᒃᓗ ᑐᕌᒐᒃᓴᖏᓐᓂᑦ ᑖᔅᓱᒪ ᐃᓕᓐᓂᐊᖅᑎᑦᑎᓂᕐᒧᑦ ᐸᕐᓇᐅᑎᐅᑉ.

ᐅᒥᐊᖅᔪᐊᖅᑖᖃᑦᑕᕐᓂᖅ – 2004ᒥᑦ 2005ᒧᑦ, ᑲᑐᔾᔨᖃᑎᒌᖑᔪᑦ ᓂᐅᕕᕐᓂᕐᒧᑦ ᐊᖏᕈᑎᓕᐅᓚᐅᖅᑐᑦ ᐊᖏᔪᒥᒃ ᖁᐊᒃᑯᕕᖃᖅᑐᒥᒃ ᐃᖃᓗᓕᕆᕕᖃᖅᑐᒥ ᐅᒥᐊᖅᔪᐊᒥᒃ ᐊᒻᒪ ᐊᑐᓚᐅᖅᑕᖓ ᓇᓕᕌᕈᑎᖓ ᓂᐅᕕᕐᓂᒃᓴᒧᑦ ᐅᒥᐊᖅᔪᐊᒥᒃ 2005ᒥ. ᑲᑐᔾᔨᖃᑎᒌᖑᔪᑦ ᒫᓐᓇ ᐊᕝᕙᖏᑕ ᐅᖓᑖᓂ ᓇᖕᒥᓂᖁᑎᖃᖅᐳᖅ ᐃᓂᓕᐅᕈᓐᓇᖅᓯᓪᓗᑎᒃ ᒪᕐᕉᖕᓂᒃ ᐃᖃᓗᓕᕆᕕᖃᖅᑐᓂᒃ ᖁᐊᒃᑯᕕᖃᖅᑐᓂᑦ ᐅᒥᐊᖅᔪᐊᖕᓂᒃ. ᐊᖏᕈᑎᓕᐅᕐᓂᖅ ᓇᓕᕌᕉᑎᖃᕈᓐᓇᕐᓗᓂ ᓂᐅᕕᕆᐊᒃᓴᖅ, ᑲᑐᔾᔨᖃᑎᒌᖑᔪᑦ ᒥᒃᓯᑎᒋᐊᖅᑎᑦᑎᕗᑦ ᑕᑯᒃᓴᐅᓂᕐᒥᓂᒃ ᑭᓯᐊᓂ ᑎᒍᓯᒍᑎᒃ ᐱᓪᓚᕆᖕᓂᑦ ᐊᐅᓚᑦᑎᓂᕐᒧᑦ ᑕᐃᒪᐃᑦᑐᒥᒃ ᐅᒥᐊᖅᔪᐊᒥᒃ. ᒫᓐᓇ ᖃᐅᔨᒪᓕᖅᑐᒍᑦ ᐊᑭᖏᓐᓂᑦ ᐊᐅᓚᑦᑎᓂᐊᕐᓗᓂ ᐅᒥᐊᖅᔪᐊᒥᒃ ᐊᒻᒪ ᓅᑉᐸᓪᓕᐊᓂᕆᔭᕗᑦ ᓯᕗᒧᑦ ᑐᓐᖓᓂᖃᓚᐅᖅᑐᖅ ᐱᓕᕆᐊᒥᒃ ᐱᓪᓚᕆᒋᔭᖏᓐᓂᑦ ᐱᒋᐊᕐᖓᐅᑎᖏᓐᓂᑦ ᐊᒻᒪ ᐱᓯᒪᓗᑎᒍᑦ ᐱᓪᓚᕆᐅᔪᑦ ᐅᕙᒍᑦ ᓵᖏᓐᓂᑦ. ᐊᑯᓂᐅᔪᒥᒃ ᑕᐃᒪᐃᓕᐅᕐᓂᐊᕐᕙᓗᒃᐳᒍᑦ ᐊᒻᒪ ᐊᖅᑯᑎᒋᓗᒋᑦ ᐅᒥᐊᖅᔪᐊᒥᒃ ᓇᖕᒥᓂᖃᕐᓃᑦ, ᓇᒧᓐᖓᐅᓂᑦᑎᓐᓂᑦ ᐊᐅᓚᑦᑎᔪᓐᓇᖅᓯᒐᔭᖅᐳᒍᑦ.
ᓄᓇᖅᐸᓯᖕᒥ ᐃᖃᓗᓕᕆᓂᕐᒧᑦ ᐱᕙᓪᓕᐊᑎᑦᑎᓂᖅ – ᑲᑐᔾᔨᖃᑎᒌᖑᔪᑦ ᐃᑲᔪᖅᑐᐃᔪᒻᒪᕆᐅᕗᑦ ᐱᕙᓪᓕᐊᑎᑦᑎᓂᕐᒥᒃ ᓄᓇᖅᐸᓯᖕᒥ ᐃᖃᓗᓕᕆᓂᕐᒥᑦ ᑕᒪᓐᓇᓗ ᑕᑯᒃᓴᐅᑦᑎᐊᖅᑐᓂ ᐃᖃᓗᖃᕐᒪᖔᑦ ᖃᐅᔨᓴᕐᓂᖏᑎᒍᑦ ᐸᖕᓂᖅᑑᑉ ᑲᖏᖅᑐᐊᓗᐊᓂ, ᐊᒻᒪ ᐅᑭᐅᒃᑯᑦ ᖃᐅᔨᓴᕈᑎᖃᓚᐅᖅᑐᑦ ᖃᓕᕋᓕᒐᓱᖕᓂᕐᒥᑦ ᑲᖏᖅᑐᒑᐱᖕᒥᑦ ᐊᒻᒪ ᒥᑦᑎᒪᑕᓕᖕᒥ 2004ᒥ ᐊᒻᒪᓗᒃᑲᓐᓂᖅ 2006ᒥ ᐊᒻᒪ ᐊᒥᓱᒻᒪᕆᐅᔪᓂᑦ ᐊᓯᖏᓐᓂᑦ ᐱᓕᕆᐊᓂᑦ ᑮᓇᐅᔭᖃᖅᑎᑕᐅᖃᑦᑕᖅᓯᒪᓪᓗᑎᒃ ᑕᐃᒪᓐᖓᓂᑦ 2002ᒥᑦ. ᑲᑐᔾᔨᖃᑎᒌᖑᔪᑦ ᑐᓂᓯᕗᑦ 1,000 ᑕᓐᔅ ᐅᖁᒪᐃᓐᓂᖃᖅᑎᒋᔪᓂᑦ ᐸᖕᓂᖅᑑᑉ ᐃᖃᓗᓕᕆᕕᖓᓄᑦ ᐱᓕᕆᒋᐊᓪᓚᒃᑕᐅᓂᐊᕐᒪᑕ, ᕿᑭᖅᑖᓗᖕᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᑭᓖᓪᓗᑎᒃ $2,500,000ᖑᓗᐊᖅᑐᓂᒃ. ᑕᒪᔾᔭ ᑕᕝᕙ ᑲᔪᓯᔪᒪᓪᓚᕆᖕᓂᕐᒧᑦ ᑕᑯᒃᓴᐅᔪᖅ.